Биһиги, Сунтаардааҕы «Түһүлгэ» норуодунай үҥкүү ансаамбылын оҕолоро, «Азия оҕолоро» норуоттар икки ардыларынааҕы VIII спортивнай оонньууларын аһыллыытыгар кытта Дьокуускайга салайааччыбыт Юрина Александровнаны кытта кэлбиппит. Бу бүтэһик күннэргэ күн аайы кэриэтэ эрчиллии буолар. Бүгүн «Туймаада» стадиоҥҥа генеральнай репетицияланныбыт. Биһиги «Дьөһөгөй» үҥкүүгэ кыттабыт.
Айаал Томскай
Бу сылдьар кэммитигэр технологическай колледж уопсайыгар олоробут. Стадиоҥҥа автобустар аҕалтыыллар. Сынньалаҥмыт кэмигэр «Азия оҕолорун» оонньууларын историятын кэпсиир түмэлгэ сылдьан элбэҕи биллибит, сынньалаҥ пааркатыгар оонньоотобут, киинэ тыйаатырга сырыттыбыт. Мин маннык улахан таһымнаах тэрээһиҥҥэ кыттарбыттан олус долгуйабын, үөрэбин. Доҕотторум эмиэ эппиэттээх тэрээһиҥҥэолох үчүгэйдик кыттыахтаахпыт, бары биир киһи курдук хомуллан үҥкүүлүөхпит диэн санаалаахтар.
Биһиги ансаамбылбытын салайар Иван Гаврильевич, Матрена Валерьевна Лазаревтарга махталбыт улахан. Кинилэр билигин Сунтаартан салайса, дьаһайса, биһигини кытары бииргэ буола олороллор.
Өссө бэс ыйын 27 күнүгэр Орджоникидзе болуоссатыгар үҥкүүлүөхтээхпит.
Айаал ТОМСКАЙ, Сунтаардааҕы 3-с №-дээх оскуола
6-с кылааһын үөрэнээччитэ,
«Түһүлгэ» норуодунай үҥкүү бөлөҕүн кыттааччыта