Бүгүн, кулун тутар 26 күнүгэр, Сунтаар улууһугар сайын ыытыллар норуоттар икки ардыларынааҕы «Азия оҕолоро» VIII оонньууларын уота кэллэ.
Ол курдук Сунтаар улууһун кыраныыссатыгар Ньурба улууһун бөлөҕө кэлэн, Сунтаар улууһун баһылыгын социальнай боппуруостарга уонна имидж политикатыгар солбуйааччы Гаврил Еремеевкэ оонньуу уотун үөрүүлээхтик туттардылар. Уот оттон, арыылаах алаадьынан айах тутан алгыс тыла этилиннэ.
Өлүөнэ очуостарыгар саҕыллыбыт уоту үөрүүлээхтик көрсүһүү, факелы күөрэччи көтөҕөн Сунтаар устун ыытыы сарсын 11 чааска «Алмаас» cтадионтан саҕаланыа.
Дмитрий ЫМЫЧАНОВ