Билигин уулуссаҕа аттаах киһини көрөр сэдэх көстүү. Сунтаарга эдэр уолаттар үлэлэригэр атынан сылдьалларын көрөн киһи астынар.
Сарсыарда саһарҕа тахсыыта Игнат Яковлев атыгар олороот үлэтигэр турунар. Кини Сунтаардааҕы ЖКС дириэктэрэ, улуус дьокутаата. Дьиҥэ тимир көлө арааһа киниэхэ буоллаҕа, ол эрээри ат үрдүгэр олорбута үһүс сыла. Игнат Яковлев: «Уруккаттан аттаныахпын баҕарар этим. Үс сыл аннараа өттүгэр аттанан баран бастаан сиэтэн сылльарым, онтон айааһаабытым. Тыыннаах кыыллыын алтыһар үчүгэй буоллаҕа, арай кыһын тымныы, ол иһин түүлээх таҥас арааһын тиктэрдим бэргэһэ, сутуруо, аны сон тигиллэн бүтэн эрэр».
Билигин аттаах киһини көрөр сэдэх көстүү. Игнат уһун уҥуохтаах, сахаҕа көрүҥнээх эр бэрдэ ат үрдүгэр буоллаҕына киһи эрэ бары кэрэхсии көрөр. Надежда Егорова — Сунтаар олохтооҕо: «Куруутун сэргии көрөбүн, бэйэм эмиэ акка олус чугаспын, аттаах киһини көрдөхпүнэ куруутун ат үрдүгэр буолар билигин аттыбар суох кэргэммин саныыбын».
Салайааччы үс миинэр миҥэлээх Дохсун, Сулус, Чолбон. Бу аттарын сыарҕалыыр, тэлиэгэлиир. Өссө атастарын аты айааһыырга үөрэтэр. Ону кытта булчут ыттара элбэхтэр. Өссө оҕолоро аттар ноһуомун кууллаан атыылыыллар эбит.
Игнат сэлэспэтин устууларыгар Сунтаар киэһэтигэр аттаах дьоннор көрсөн кэпсэтэллэрин кэрэхсээтим. Ол онно Игнат: «Хайа тугу гына сылдьаҕын?», Колята: «Хатааһылыы сылдьабын, уматык сыаната үрдээн маннык сылдьабын», — диэн хоруйдуур. Кырдьыга да оннук.. бэйэм ат үрдүгэр буолаат: «Оо, арай бары ат үрдүгэр сырыттарбыт төһө эрэ дириҥ толкуйдаах, киэҥ көрүүлээх буолуо этибитий?!», — дии санаатым.
ТУСКУЛААНА ГОРОХОВА-КОБЕЛЬЯНОВА