Владимирскай уобалас Суздаль куоратыгар мас тардыһыыга оскуола оҕолоругар биирдиилээн бастыыр иһин күрэхтэһиигэ Арассыыйа араас куораттарыттан элбэх кыыс, уол спортсмен кытынна. Бу күрэхтэһиигэ Сунтаарбыт улууһун Маар-Күөл нэһилиэгиттэн 10-с кылаас үөрэнээччитэ Владимир Потапов чемпион үрдүк аатын ылан кэллэ, эрчийэр тириэньэрэ — Анатолий Петров. «Күрэхтэһии улахан аренаҕа буолбута, араас сиртэн кэлбиттэр, утарылаһааччыларым күүстээхтэр этэ, күрэхтэһии тэрээһинэ олус үчүгэй, спортсменнар киирсэллэрин көрөн, кинилэр ураты техникаларыттан киһи эмиэ элбэҕи билэр-көрөр эбит»- диэн кэпсиир Володя. Эдэр спортсмеҥҥа өссө да ситиһиилэри баҕарабыт.
Алена ИВАНОВА