Бүгүн Арассыыйа күнүнэн Устье нэһилиэгэр үлэлии турар «Спасатель» лааҕыр оҕолоругар «Мин Арассыыйам» диэн олохтоох бибилэтиэкэр Василиса Андреева уонна В.Ф.Абрамович аатынан Устье орто оскуолатын оҕону иитэр үлэҕэ дириэктэри солбуйааччы Марианна Семенова патриотическай уруогу ыыттылар.
Чуолаан бу бэлиэ күн кылгас историятыттан быһа тардан кэпсээтилэр, Арассыыйа судаарыстыбаннаһын атрибуттарын, субъектарын, санаттылар, билиһиннэрдилэр.
Маны таһынан, патриотизм туһунан өйдөбүлү кэпсээтилэр уонна оҕолор санааларын иһиттилэр.
Түмүккэ лааҕыр уолаттарыгар сүүрүүлээх викторина ыытылынна. Манна кыттааччылар үс хамаандаҕа арахсан бэриллибит боппуруостарга түргэнник эппиэттииргэ күрэхтэстилэр.
Бары ыйытыктарга түргэнник хоруйу биэрбит «Молния» хамаанда минньигэс бириискэ тигистэ.
Василиса АНДРЕЕВА