С.А. Зверев-Кыыл Уолун аатынан норуот айымнньытын киинин кэллэктиибэ Оксана Еремеева уонна Галина Васильева көҕүлээһиннэринэн, анал байыаннай дьайыыга сылдьар уолаттарбытыгар араҥаччылыыр харысхаллары ыыттылар. Бу харысхалы УНАК үлэһитэ Александр Саввинов кыһан оҥордо. Оттон суругун-бичигин Күүкэйтэн төрүттээх — Сергей Харитонов. Харысхал суругун ис хоһооно «Айыыларым арчылааҥ» диэн былыргы түүрдүү руна суруктаах.
С.А. Зверев-Кыыл Уолун аатынан улуустаҕы норуот айымньытын киинин үлэһитэ Андрей Хлебов саас хомуурга ыҥырыллан анал байыннай дьайыыга барбыта. Кини бу курдук харысхалы оҥотторон илдьэ сылдьар. «Бу харысхалым миигин наһаа харыстыыр, куруук көмүскэллээх сылдьар курдук сананабын» — диэн санаатын үллэстэн барбыта.
Араҥаччылыыр харысхал уолаттарбыт санааларын бөҕөргөттүн, туох баар куһаҕан дьайыыттан көмүскээтин диэн баҕа санаалаах бу харысхалларбытын ыытабыт. Салгыы өссө да оҥорон ыыта туруохпут диэн эрэннэрэбит.
Елена АМОНОВА