Бэҕэһээ, олунньу 17 күнүгэр, «Партизан» НАТК Роман Амонов бырайыагынан «Саха Саарына-2024» диэн чулуу уолаттар күрэстэрэ буолан ааста.
Манна алта уол кыттан, биэс түһүмэхтээх араас сорудахтары толордулар. Бэриллибит сорудахтары барытын бэркэ толордулар. Илин-кэлин түсүһүүлээх киирсии кэнниттэн кыайыылааҕынан Анатолий Акимов тахсан, сахалыы киэргэллээх кур хаһаайына буолла.
Уолаттар бары анал аакка тигистилэр. Кинилэргэ улууспут урбаанньыттара успуонсардаан, сыаналаах бэлэхтэр туттарылыннылар.
Дмитрий ЫМЫЧАНОВ