Халлаан тымныйан, кыстыкка бэлэмнэнии кэмэ тиийэн кэллэ. Ол курдук, бүгүн алтынньы 30 күнүгэр, С.А. Зверев — Кыыл Уолун аатынан улуустааҕы норуот айымньытын киинин үлэһиттэрэ, анал байыаннай дьайыы кыттыылааҕар, Андрей Хлебов дьиэ кэргэнигэр оттук мастарын хайытан, сааһылаан биэрдилэр. Киин үлэһиттэрэ бу саас бэйэлэрэ кэрдэн саһааннаабыттар эбит. Андрей бииргэ үлэлээбит кэлэктиибэ куруутун болҕомтолорун ууран туран, кини дьиэ кэргэнигэр улахан көмөнү оҥороллор. Үлэһиттэр аны, муус ылан аҕалыахтаахтар уонна дьиэ оһоҕун оҥорон биэриэхтээхтэр.
Андрей норуот айымньытын киинигэр үлэлии сылдьан, быстах байыаннай хомуурга бастакылар кэккэлэригэр ыҥырыллан барбыта. Кини кэргэнэ Наталья, бу курдук тула өттүттэн өйүүр дьон баарыгар махталын тиэрдэр.
Елизавета ТИТОВА