Сунтаардааҕы үөрэх управлениетын иһинэн аһыллыбыт улуустааҕы консультациялыыр «Абитуриент штаба» бэс ыйын 24 күнүттэн үлэтин саҕалаабыта. Штаб атырдьах ыйын 15 күнүгэр диэри үлэлиэ.
Ытыктабыллаах абитуриеннар уонна төрөппүттэр!
Штаб үлэһиттэрэ талбыт үөрэххит хайысхатынан тус консультацияны, үөрэххэ киирэргэ докумуону толорууга сүбэлэри биэриэхтэрэ. Манна үөрэххэ киирэргэ докумуону тутуу быраабылаларын, чэпчэтиилэр уонна баар анал квоталар тустарынан толору информацияны ылыаххытын сөп.
Маны таһынан приемнай хамыыһыйаҕа туттарыллар сайабылыанньаны, докумуону хайдах толорулларын быһааран биэриэхтэрэ.
“Абитуриент штабын” үлэлиир аадырыһа: Сунтаар нэһилиэгэ, Ленин аатынан уул. 35 дьиэтэ.
“ОВиДО” кэбиниэтэ. Үлэлиир чаастара: бн-чт: 10:00-16:00 (13:00-14:00 эбиэт) бээтинсэҕэ: 14:00-17:00