Л.А.Попов аатынан кииннэммит бибилэтиэкэ үлэһиттэрин бырайыактарынан, улууспут аҕам саастаах олохтоохторун интиэриниэтинэн, компьютерынан, араас гаджеттарынан туттарга үөрэтэллэр. Онно ааспыт сылга сылдьан, үөрэх ылбыт дьон олус астынан, «төлөпүөммүтүттэн, компьютербытыттан араас сыһыарыыларга киирэммит наадабытын быһаарсабыт. Холобур, госуслуга сыһыарыыга киирэн бырааска суруттарабыт, араас социальнай ситимнэргэ сонуннары көрөбүт, ааҕабыт, электроннай почта арынаммыт эмиэ туһанар буоллубут» диэн астыналлар. Онон былырыын алтынньы ыйтан саҕалаан 21 киһи үөрэммитин туоһулуур дастабырыанньа туппута.
Быйыл эмиэ бу үөрэҕи бибилэтиэкэрдэр салгыы ыытан эрэллэр. Онно эмиэ анал графигынан баҕалаах дьону босхо үөрэтэллэр. Кытаатыҥ, босхо үөрэххэ сылдьан, элбэҕи туһаныҥ.
Яина ВЛАСЬЕВА