Арассыыйа аҕаларын күнүн чэрчитинэн Кириэстээх оскуолатыгар “Территория пап” диэн ааттаах футбол күрэҕэ буолан ааста. Уопсайа 11 аҕа уонна 6 футболунан дьарыктанар оҕолор 4 хамаандаҕа хайдыһан күрэхтэстилэр.
Манна санатан суруйар буоллахха, 2000 сыллартан биһиги оскуолабытыгар Эдуард Афанасьевич Дарвидонов салалтатынан мини-футбол дьарыга саҕаламмыта, хас да иитиллээччитэ улуус, өрөспүүбүлүкэ ону тэңэ Саха сирин таһынааҕы күрэхтэргэ кыттан ситиһиилэрэ элбэх.
Ол саҕанааҕы футболист оҕолор, билигин номнуо ыал аҕалара, мээчиги сырса тыыннарын таһаардылар, үөрэн-көтөн бириэмэлэрин атаардылар.
Күрэх түмүгэр кыттааччыларга анал ааттар иңэрилиннилэр: “Лучший нападающий” Григорьев Ярослав Александрович, “Лучший защитник” Тотонов Иван Игоревич, “Лучший нападающий” Тихонов Иван Иванович, “Лучший вратарь” Николаев Альберт Кириллович.
1 миэстэ Э.А.Дарвидонов , Я.А.Григорьев , А.К.Николаев, Прокопьев Федя
2 миэстэ Е.Б.Тараяров, Н.Е.Максимов, К.А.Сидоров, Анисимов Эрчим
3 миэстэ И.И.Тотонов , И.И.Тихонов , Назаров Сахаян, Осипов Эрчим
Ыңырыыбытын ылынан кэлэн көхтөөх кыттыыны ылбыт аҕаларбытыгар махталбытын тириэрдэбит.
Мария МИХАЙЛОВА,
оҕону иитиигэ уонна оҕо уопсастыбаннай тэрилтэлэрин
кытары үлэҕэ дириэктэри сүбэһитэ