Алтынньы 13 күнэ- Тыа хаһаайыстыбатын үлэһиттэрин күнэ. Ол чэрчитинэн, биһиги, «Туллукчаан» оҕо сайдар киинэ, «Саха норуотун төрүт дьарыга — сүөһү иитиитэ» нэдиэлэбит түмүктүүр тэрээһинэ сүрдээх сэргэхтик ааста.
Бэлэмнэнии бөлөх оҕолоро » Оттооһун», улахан бөлөх оҕолоро » Хотон ис-тас үлэтэ», оттон орто бөлөх оҕолоро «Амсай» үүт ас бородууксуйатын эйгэлэрин тэрийэн оонньоон көрдөрдүлэр, билиһиннэрдилэр. Уһуйааммыт иһинэн үлэлиир «Кыымчаан» маҕаһыыммытыгар, буоларын курдук, бэлэмнэнии бөлөх оҕолоро атыыһыт оруолун толорон үүт ас бородууксуйатын эгэлгэтин оҕолорго хамаҕатык атыылаатылар.
Түмүккэ оҕолор билиилэрин чиҥэтэр сыаллаах «Тыа сирин олоҕо» викторина тэрилиннэ. Оттооһун, пиэрмэ, оҥорон таһаарар сыах үлэлэрин оонньоон көрдөрөн, илэ харахтарынан көрөн, илиилэринэн тутан-хабан билсиһэн тыа сирин үлэтин туһунан чиҥ билиини ыллылар.
Тыа хаһаайыстыбатын үлэһиттэрин идэлээх күҥҥүтүнэн истиҥник эҕэрдэлээн туран, чэгиэн буолууну, быйаҥы баҕарабыт!
Сунтаардааҕы «Туллукчаан» оҕо сайдар киинэ