Дьоллоох Дьокуускай куорат туонатыгар, Туймаада ыһыаҕын түһүлгэтигэр биһиги биир дойдулаахпыт Владимир Потапов оскуола оҕолоругар «Бэргэн оонньуулара-2024» успуорт национальнай көрүҥнэригэр ситиһиилээхтик кытынна. Кини күрэхтэһии муҥутуур кыайыылааҕа буолан матаһыыкылынан наҕараадаланна.
Володя Маар Күөл орто оскуолатын 10-с кылааһын үөрэнэн бүтэрдэ. Оҕо эрдэҕиттэн мас тардыһыы, сүүрүү, ыстаҥа курдук успорт көрүҥнэринэн утумнаахтык дьарыктанар. Тириэнньэрэ физкультура учуутала — Анатолий Егоров. Онтон 7-8-с кылаастарга үөрэнэ сылдьан Мичил Яковлевка атах оонньуутугар, сүүрүүгэ дьарыктаммыт.
Бу күрэххэ барыта 5 араас көрүҥҥэ бэйэлэрин холонон көрдүлэр. Владимирга, кини тириэньэригэр үрдүк ситиһиилэринэн истиҥник эҕэрдэлиибит.
АЛЕНА ИВАНОВА