Арассыыйаҕа — Педагог уонна аҕа сүбэһит, Саха сиригэр — Үлэ, улууска — Төрүт тыл сылыгар Күүкэйдээҕи «Биһик» уһуйаан 55 сыллаах үбүлүөйүн ахсынньы 1 күнүгэр бэлиэтээтэ.
Улуустааҕы үөрэх управлениетыттан оскуолаҕа киириэн иннинээҕи үөрэхтээһин салаатын сэбиэдиссэйэ Нина Павлова наҕараадалары туттарда. Нэһилиэк дьаһалтатыттан баһылык Юрий Прокопьев «Үлэҕитигэр көмө буоллун» диэн ноутбук, оскуола кэлэктиибэ, төрөппүттэр, олохтоох бибилэтиэкэ, куораттан «Азбука» ХЭТ харчынан, туоһу суругунан бэлэх уунаннар үлэһиттэри долгуттулар. Үбүлүөйүнэн уонна «Үлэ сылынан» уһуйаан аатыттан өр кэмҥэ үлэлээбит үлэһиттэр, бэтэрээннэр сэмэй бэлэх тутан үөрүүлэрэ үксээтэ.
Уһуйаан киһи билбэтин курдук киэргэммит. Тэрээһин биир соһуччу түгэнинэн төрөппүттэр астаабыт дьэрэкээн тортарын киириитэ буолла. Араас фотозоналарга хаартыскаҕа түһэн, баай-талым астаах фуршет остуолга ирэ-хоро кэпсэтэн, мустубут ыалдьыттар, үлэһиттэр астынан тарҕастылар.
Лидия ЕГОРОВА
“Биһик” уһуйаан сэбиэдиссэйэ.